Un rato pasa banda di 6:00 pm, polis a presenta cu urgencia na Renaissance Mall p’un caso basta serio. Ta trata di un turista cu a cay fo’i segundo piso di e mall. Na prome instante tabatin basta version di loke a pasa. Algun persona a conta cu e dama turista a tira su mes abou. Di otro banda, famia a contradici e version aki y a confirma na 24ora.com cu, el a bay saca un selfie na e rand di e balcon.
Den sacament’i selfie, e turista a perde balans y a bin stret abou. Su condicion di salud ta basta serio. Ambulance a presenta y a transport’e cu urgencia pa hospital pa e ricibi atencion medico avansa.
Ta trata di un hende muhe, compaña pa su casa y su yiu homber chikito. A avisa slachtofferhulp, polis forensico y recherche di e caso aki. Mientrastanto, polis na sitio mes a brinda sosten na e famia y a tuma tur informacion necesario p’asina contribui n’e parti investigativo.
