Un total di seis grupo a participa den e Parada Nacional di Luz. Tur grupo a scoge un color di bandera pa nan participa. E participantenan a decora nan pañanan pa mantene na e ambiente carnavalesco.
Desde cu a habri pa inscripcion e gruponan a pusha pa haya participacion. E gruponan a haya rond di 500 participante.
Roderich Lopez, lider di Massive Brassband, a expresa di ta contento cu nan por a toca bek den un parada. Aunke cu nan a haya poco tempo, asina mes nan a logra bin cu 20 musico pa toca den e parada aki.
Aldrick Croes, lider di Dushi Carnival Group, a expresa cu un team di binti hende a pusha den dos siman di tempo pa por a organisa nan grupo. E tabata contento cu nan ta den e Parada Nacional di Luz.
Kevin James, lider di Royal Carnival Group, tabata contento di por a toca un biaha mas y cu tur hende por disfruta di e canticanan carnavalesco.
Jerrino Ridderstap, lider di Infinity Carnival Group, a expresa cu pa su persona e parada di luz aki ta manera fakkel pasobra a bay cu t-shirt y decora esaki. E no a spera di a yega 500 participante, pasobra nan a pone meta como 400.
Majestic Carnival Group a bay cu un grupo di baile cultural. E grupo aki ta Dansa Aruba y Ceslin Yarzagaray, doño y instructura dje grupo, tabata contento di por a participa den e parada aki. Lider dje grupo carnavalesco tabata busca un grupo y el a yama Yarzagaray pidiendo pa nan join e grupo, kende a acepta.
Pa mas lesa TREMPAN.COM.
