Tin 9 parokia na Aruba y tur parokia ta celebra misanan di Aurora. E orario ta mes cos den tur parokia, segun pader Daniel Szpila. Ta un tradicion, custumber bunita porcierto, cu kier mantene. Dios gracia cu e pueblo ta contesta generosamente na e custumber aki. Normalmente tur parokia, tur misa ta bon bishita durante di e dianan di Aurora. 5’or di mainta celebracion den cada parokia ta cuminsa. Ta un celebracion bunita, pero nunca e ta demasiado largo. Semper e ta termina algun minuut prome cu 6’or, tumando na cuenta cu tur hende tin cu bay desayuna algo y alcansa e ora di trabao. Tur esaki ta tuma na cuenta y tambe pueblo tambe ta na altura di esey.
Tur parokia tin nan pastoor
Cada parokia tin su pastoor. No tin falta di pastoor. Algun parokia tin hasta dos sacerdote. Manera San Nicolas tin dos, na Santa Cruz tin dos, na Playa tin dos sacerdote. Tin abundancia por bisa di sacerdote na Aruba.
