Loke cu parlamentario Arthur Dowers a mira, cu si e persona aki, y a mir’e pasa den pasado, a haci denuncia pa cosnan mas grave. A tuma casi un aña di investigacion, caminda nan a documenta, a tap, haci tur sorto di cos, pa por a bisa cu lo bay cera e persona. Awor aki, tin hopi hende ta traha den departamento. Si bisa cu a detene, of lo bay scucha tur hende y despues ta yega na conclusion cu esey por ta e persona di por a bay cu algo, ta hustifica, pero no ta piki un mucha hib’e cera y despues ta bay busca pa sa si e ta envolvi. Asina strafrecht no ta traha pa funciona. Bo no ta djis cera un hende y despues bay busca rond pa wak si por prueba si el a haci algo. Un persona ta inocente te na momento cu prueba si e ta culpabel.
E mes a haci denuncia, door cu nan a hort’e na mas cu 1000 florin. Y te dia di awe. Hasta bisa nan ken ta esun cu a horta su cosnan, pasobra e mes a haci su investigacion y te dia di awe e sa cu e no lo haya su cosnan. Ta bin bisa awo, cu e caso ta asina importante, pasobra Evelyn no por goberna pais Aruba, si e no haya un camara. Pa Dowers, esaki no ta di hari, sino yora. Den e estado di derecho, e cos fundamental ta, su libertad. Por cera un hende. Un hende inocente si cere ta keda cu su trauma, el a pasa malo, el a wordo humiya. Su famia a sufri, ta ok. Si e ta hustifica si bisa, cu ta un caso grandi. Tabata tin un matamento, etc.
Bo stima pueblo asina hopi cu tur cos di pueblo ta bon warda. Bo ta manda cera hende pa un USB stick. USB stick ta uza, ta pone cos riba dje y ta duna hende con e ta bay. Logico, segun Dowers. Ta papia di SD Card, cu tin potret riba dje. Kico por haci cun’e. Ta yene cu potret di Mike Eman, mester duna Evelyn Wever-Croes esaki? Ta un locura indiscribibel. Tin hopi papel cu a bestel, pero nan no tey. Ta bay busca tur pida papel wak cuanto A-4 a wordo bestel y unda nan a bay? Ban busca un hende pa cera pasobra no tin A-4 den bestuurskantoor? Ta un ridicules y ta fundeshi di persecusion ta wordo buta. Un biaha mas, Dowers no tin problema. Dowers a duna cierto material na polis.
Dowers a bin cu material di su mesun cas pasobra tin cos cu tabata kibra. E mes a duna su propio stoel, ora cu el a bay na un oficina di Polis, tabata kibra, polis no tabata por a traha. El a bay su ministerio, bay cu stoel di su trahado y hiba nan warda di polis. A bay busca stoel na corte y esey a sinta riba nan.
E hoben cu a wordo cera tabata traha cu hopi dedicacion. Sa cu tin biaha sa uza su mesun materialnan tambe. Nan kier yega cerca pa esun cu el a yega di traha pe. Hasta pa Otmar Oduber el a yega di traha pe, den gobierno. Dowers a menciona cu e ta un hende ta haya cu husticia mester funciona. Como minister el a percura pa husticia funciona semper independiente. A percura pa fortifica ministerio publico. MEP den su tempo, a corda ministerio publico pa e no funciona. AVP a fortifica ministeri publico, fortifica cuerpo policial pa e funciona optimal. Di loke por mira awe y loke a sosode aki, ta metemento politico den e aparato hudicial y e cos aki ta manda tambe door di hendenan halto den e organisacion aki. No por otro.
