Dialuna anochi, Stichting Maneho di Aruba suCarnaval (SMAC) a haci entrega di e premionan di Carnaval 69. Darren van Ommeren, Presidente di SMAC a indicacu nan a haci entrega di tur e premionan tanto na e gruponan grandi cu a gana premio, e muchanan y tambe e Royalty nan cual SMAC tabata tin algun premio pendiente pa cu e Royalty.
CARNAVAL70
Otro aña, 2024 Aruba lo ta celebra su di shete decada di alegria, fantasia y color. Pa cu esaki, SMAC tin un agenda yen di actividad prepara, tin diferente evento, algun di nan nobo, otro nan drecha. Tur esaki cue vision pa un dia cu Carnaval un dia lo por para riba su mesun pia.
SMAC losigui traha riba esaki. Tambe van Ommeren a indica cu, a base di e peticion di e gruponan di carnaval, e publico en general, pa Carnaval 70 nan lobin c’un otro concepto pa loke ta Reina di Carnaval. Den Carnaval 70, Aruba su Carnaval lo noconoce finalista, pero mas bien lo eligi tres reina, cual nan lo bira Reina diCarnaval 68 (2do finalista), 69 (1e finalista) y 70 (Reina). Di e manera eytambe, e Reina ta di acorde cu e añanan di Aruba su Carnaval.
ZOMERCARNAVAL
pa algun tempo caba, e carnavalistanan di curasontabata tin e deseo pa por organisa un carnaval den zomer, pero segun e presidente, Aruba no ta eynan ainda. Ademas, notin un budget pa cu esaki. P’aworaki, nan enfoke principal ta pa e organisacion,SMAC para riba su pianan y cu Carnaval di Aruba por cana manera cu e mester tay p’e bay den un direccion mucho mas miho di loke e ta actualmente. Pa no desvia di esey. E deseo ta pa cu un dia Aruba lo por tin un Zomercarnaval.
PREPARACION
Varios t’e carnavalistanan cu ya caba ta den fulpreparacion pa cu Carnaval 70. Tin un grupo grandi cu ya caba ta na mitacaminda, door cu nan a cuminsa manera cu Carnaval 69 a caba. Ya caba SMAC asinta cu e diferente stakeholder- y tambe cu varios sponsornan caba, esey ta haci cu ta yega pocopoco na loke ta Carnaval 70.
Pa esunnan cant’i caminda, e mironesnan, su deseo ta pa nan tambe bin cu algun creacion, decora e tent of kavel, hacie mas bunita. Tambe el a expresa su deseonan pa tin mas grupoparticipa, mas banda pa participa den nos festivalnan, pa asina haci Aruba su carnaval mucho mas grandi. Union ta haci forsa y e tempo a yega pa uni nabienestar di Aruba su Carnaval.
Un di e obstaculonan cu hopi banda ta haya nan confronta cu ne cu nan no por participa den dje, ta ekipo di zonido. Segun e presidente, ta keda na cada grupo pa soluciona esaki. Pa nan haci nan best yasina tin mas banda cu ta participa den tur e festivalnan di Aruba su Carnaval. Mas banda, mas grupo y hunto como un solo famia, lo por traha pa asina engrandece Aruba su Carnaval.
GRUPO DI AFO
Ta custumber di tur aña cu gruponan ta bin pa participa den Aruba su carnaval,vooral ora cu ta un lustro grandi. Voor di Hulanda ta haya e carnavalista di curason,Rossini van Wijk cu su Kingdoms Under The Sun, cu probablemente lo uni su mesna OPC Carnival Group.
Tambe por spera bishita di nos embahadora di Carnaval, Marcia Stamper. Hopi ta e Arubianonan residencia den exterior cu ta baha bin pa asina uni nan mes n’e pueblo di Aruba pa hunto celebra Aruba su dushi Carnaval.
