Dialuna mainta doño di Niels Fashion ta yega su negoshi y ta constata cu ladronnan a logra di bay cu su mercancia. E luga tin un rolluik dilanti, pero no a stroba e ladronnan brace e porta, kibra e porta di glas y logra di horta algun cos, sin habri e rolluik.
Ainda e doño no por caba di compronde con esey a sosode. Pero el a bin haya e manequin benta abao, sin e paña bisti cun’e. A logra bay cu dos tas y algun cos mas cu e ladron a pisca den e negoshi, despues di forsa e ruilluik, brace e porta di glas.
El a scheurtambe y asina pisca e cosnan. A avisa polis. E propietario ta expresa cu e ta hopi mal contento cu e situacion. A yama polis, ta sinti cu nada no ta wordo haci y tambe seguro ta un dolor di cabes. Ademas cos ta hopi slow den caya. E no ta facil. Awo mes e doño ta bay muda den un otro localidad pa mira si e por logra bende mas y survive.
Otro comerciantenan ey banda ta bisa cu caya grandi ta scur anochi y nan mes tin cu laga luz cendi anochi den negoshi pa asina mira si ta core cu ladronnan. Mientras tanto keho tin na cantidad den caya grandi. Hopi negoshi cera y otronan ta lucha pa sovrevivi. Situacion no ta facil. Mientras anto tur dia ladronnan ta kibra den negoshi den caya.
