Nos a combersa cu mr. Kathy Paskel, kende ta e directora na Dimas. Por a tuma nota cu hopi hende a y e luga ta cera. Dimas ta traha cu afspraak y tur producto y servicio, e cliente ta acudi riba cita. Awe mainta, pa motibonan fuera di nan alcanse, no por a duna servicio y tur cliente cu lo tabata tin cita awe, lo atende nan riba diabierna proximo, riba e mesun ora nan por acudi na Dimas y nan lo wordo comunica tambe via mail cu esey a pospone.
Kico a pasa
Dialuna atardi laat, cambio den mantencion di tuberia, a causa cierto holornan. A trata di resolve esaki entre dialuna y diamars , pero diaranzon mainta ainda, e piso mas abao tin e molester di esaki, cu consecuencia cu e personal no tabata na pia di trabao. E ora mester a tuma otro medidanan na e momento ey y esey ta entre otro cu tur e citanan di diaranzon, a hala pa diabierna.
Meld ziek
E trahadonan di e piso abao a meld collectief ziek. Esaki a trece un paro pa e departamento. Awe mainta mester a deal cu diferente instancia, entre nan DIP, cu ta esnan cu a contrata e contratista pa haci e trabao, pa esaki mientras tanto a wordo drecha. E contratista a bin aden y e tuberia ta drecha. Esey ta soluciona. Awor aki ta spera cu mayan e servicio por continua regularmente.
Cuanto cita pa dia
Pa dia nan tin entre 100 y 200 afspraak. Tur esakinan lo hala na e mesun orario, pa diabierna awo. Normalmente diabierna nan ta uza pa otro tipo di caso y lo por handle e bon diabierna awo, segun Paskel.
Problema di antes
Tin basta anja cu no tin last mas di e problema di tuberia. Pero esaki mester a plug un di e tuberianan cu ta handle cu e mop y den e proceso ey algun tubo a keda lek y percura pa holo. E edificio a sufri e consecuencia, door cu e airco ta piki holo. Esaki e ora a haci cu e empleadonan a meld awe collectief ziek.
Edificio
E edificio ta bon. Pero na momento cu tin cosnan asina, mester busca contratista pa haci trabao. Den e caso aki e no a bay bon den un solo biaha.
