Tabata alrededor di 9’or di mainta a sosode un accidente den bisindario di ex drive-in, Kibaima, unda un ekipo pisa den e birada a accidente cu un baki grandi cu santo.
Chauffeur di e truck dado momento, prome cu yega e rotonde, a tende un zonido duro y e baki cu santo cu e tabata transportando a kentel y a cay completamente di banda. A resulta cu e tire patras tabata un poco flat y a rementa. Esaki a sosode net den e bocht prome cu yega e rotonde grandi prome cu Brug Gobernador Fredis Refujol, biniendo for di Sta Cruz.
Ta henter un proceso, cu a dura basta largo, pa por a lanta e baki y transporta esaki pa su destino final. Mester a manda busca un aparato pa corta e tubo cu ta conecta e baki na e truck. Despues a busca un loader pa pone e truck y baki riba un lowboy. Esaki pasobra e brake di e truck a keda pega. Durante e accidente, e truck a bay dal den un mata di kwihi.
Na final a transporta e baki cu santo pa e proyecto di hotel na San Nicolas pa unda e tabata destina.
