Tabata un tiki prome cu 11:00 pm cu polis a topa un auto para cant’i caminda, band’i Casa Vieja Restaurant dilanti Yongxin Foodmart riba Caya Betico Croes yegando Cumana. Tras di stuur a topa cu un chauffeur fo’i tino y no tabata reacciona.
E patruya di polis a topa e auto marca Hyundai modelo Getz color blauw numera A-8100, cu e chauffeur drumi tras di stuur. Algun testigo na e sitio a conta con na a mira e auto a bin di pabou y pocopoco a baha caminda, unda e chauffeur a djis collapse nan dilanti.
Polisnan a trata di lanta e chauffeur, pero e no tabata reaciona mes. Mirando cu e chauffeur tabata full fo’i tino y no tabata por a comunica cu ne, a dicidi di yama un ambulance pa bin na e sitio. Paramediconan a brinda asistencia na e homber pa e por a bin bij. Ora a his’e y pon’e riba brancard, e ora ey numa e homber a cuminsa reacciona.
Ambulance a hib’e hospital pa asina dun’e un check-up medico mas avansa.