Diahuebs anochi alrededor di 10:10 pm un team di recherche a tene un entrada hudicial relaciona cu un caso di “skimming.” Ta for di algun dia caba un grupo di persona, considera como un cartel, tabata druk bezig ta estafa diferente bancomaticonan rond di nos isla. Entre nan, na Tanki Leendert cerca di Tur Dia Supermarket. Awe nan paranda a caba, ora cu varios unidad di recherche y transporte policial a presenta na nan cas na Madiki Kavel 52. Ta despues cu e team investigativo a ricibi un tip di unda e grupo di persona aki ta sea biba of keda.
A yega di un forma di sorpresa y detene tres hende homber. A transporta nan pa tres diferente warda, y a transporta tur tres den diferente transporte policial. E motibo cu a transporta nan separa, ta pa nan no bay acorda ki version lo duna na husticia. Awe tabata e dia perfecto pa pone man riba algun individuo di e cartel di “skimming” aki.
A listra den e cas completo, tabata busca diferente artefacto relaciona cu estafa di bancomatico. Parti pafo tabatin un auto marca Nissan modelo Versa numera V-3110, color blauw staciona, a listra den dje y a confisca un tas chikito color preto. Pa mas informacion lesa TREMPAN.
