Cuerpo Policial Aruba ta keda inverti den su personal. Recientemente a tuma luga un curso basta intensivo, duna na recherchenan di Aruba como tambe y Corsou. Trahando hunto cu otro cuerpo di polis den Reino Hulandes pa asina por eleva e conocimento trahando hunto. Docente Eva Vahrmeijere a facilita e curso aki. Cursus begeleider tabata mr. Pleun Trooster di Nederlandse Politie Academie.
E curso tabata pa duna informacion tocante e funcion y e rol di un OvD-R (Officier van Dienst Recherche) na tur polis cu ta traha na e departamento di recherche. E curso ta amplia nan conocemento riba e materia nobo. Consecuentemente recherche lo conoce un miho structura den futuro.
Na final di e curso a entrega un certificado na e curistanan. Esaki a tuma luga den presencia di e hefe di Departamento di Recherche, esta Comisario Robert Candelaria, cu tabata compaña pa Humphrey Koolman, cu ta Hoofd Divisie Centrale Recherche y Garry Cham den su calidad di hehe suplente di Algemene Recherche di Cuerpo Policial Aruba.
E recherchenan di Aruba cu a haya e certificado tabata Roy Hodge, Carlos Muller y Robert Marsdin. Masha pabien na cada recherchenan di Aruba y di Corsou.
