Un rato pasa a tuma luga un accidente serio na e crusada di Pos Abao na Noord. Posiblemente pa falta di preferencia un Toyota Corolla y un Chevrolet Spark a dal den otro. Chauffeur di e Corolla a resulta herida mientras cu e chauffeur y dos pasahero den e Spark tambe a resulta herida y hasta a keda pega den e auto.
Cuerpo di Bombero a spacha nan Materialenwagen na e sitio pa brinda asistencia. A corta e auto pa por a saca e tres victimanan afo. A nota cu e auto a haya hopi daño, entre otro un wiel a los completo bay cay den e rooi cant’i caminda.
Varios ambulance a presenta na e sitio pa transporta e heridonan pa Hospital pa ricibi medico tratamento mas avansa. Polis ta investigando con exactamente e accidente a sosode.