Diabierna ultimo Corte di Apelacion di Corte Comun di Caribe Hulandes a atende e peticion di e preso Eugene Lampe. E ultimo aki a entrega un obhecion contra e comision cu a conseha Minister di Husticia, mr. Andin Bikker, pa no lag’e sali den libertad condicional, despues di a sinta 13 di e 20 añanan cu a conden’e. Awe dialuna e tres huesnan for di Caribe Hulandes lo tuma un decision, sea e preso ta recobra su libertad awe mes of e ta keda cera dos luna mas, manera cu e comision a conseha.
Durante tratamento di e caso, Lampe a conta cu acesoria legal di e conocido abogado, mr. Chris Lejuez, kenda a defende 13 aña pasa tambe. Na otro banda di mesa tabata sinta Fiscal Yolanda Pronk, cu ta esun cu a firma den nomber di Minister Andin Bikker y a representa Procurador General durante tratamento di e caso den corte. El a pidi hues pa no desvia di e conseho duna door di expertonan, pa evita cu e preso aki por causa daño innecesario na su mes of na otronan den comunidad. Pa e relato completo, lesa edicion di TREMPAN di awe dialuna.
