Un Wrangler A-21397 tabata basta den noticia diadomingo marduga. Su final a yega den careda di 6or di mainta ora a cuminsa un persecusion den e area di Santa Cruz y cu a caba na subi di Shete pa drenta Parke Arikok. Polis tabata tirando bista riba e jeep. E tabata envolvi den hit and run. Tambe e trio cu tabata den e auto a busca problema y kier a bringa cu hende. Polis a bay su tres ora a topa cu e jeep. Na dado momento ta riba tres wiel e jeep tabata core.
Polis cu Sirene y lus blauw tabata su tras y asina mes riba tres wiel e chauffeur no kier para. E auto tabata coy caminda di Sombre y djey kita bay direccion Shete. E chauffeur parce ta un conoci di polis y tabata bay direccion su cas na subida di Shete. Den e huymento hasta a pasa raspa sosten di palo di lus y tambe mishi un otro auto para dilanti un cas. Na e subida di Shete si e polisnan a logra para e chauffeur. Nan a tira telefon den mondi y polis a confisca esaki.
E chauffeur y su dos brothernan riba un trip pisa a keda deteni. Polis a confisca e jeep. E caminda a keda tur marca mirando cu e jeep riba tres wiel a coba cu e hop di e wiel cu tabata raspa den asfalt.
