Diabierna anochi alrededor 8:00 pm habitantenan di Brazil y Mabon a bati alarma pa un transformer na candela. Ta despues cu e transformer a explota, basta huma tabata sali y algun cas a keda sin coriente.
Ayera caba Elmar a atende cu e transformer aki, despues cu pa varios ora e bario di Brazil tabata sin coriente. A dura net un dia, cu atrobe e transformer a faya. E biaha aki cu explosion grandi. A notifica mesora polis y Elmar riba e situacion aki.
Varios habitante ta disgusta cu e situacion aki, mirando cu articulonan di balor den gas ta sea daña of no ta sirbi mas. Ora notifica Elmar, ta un cachi cachi ta duna nan pa nan articulonan di balor.
