Ta un tradicion cu hopi famia ta bay campa den e temporada di siman santo. Banda di ex-Bushiri Hotel tambe tin mas movecion ultimo añanan cu campamento. E area di Eagle a bira manera poco limita. Ta un custumber cu ora tin campamento tin hopi biaha piscamento tambe. Irvin Alberts ta campando banda di Bushiri cu famia y conocirnan.
Den oranan di 10:30 pm e liña di pisca a ranca duro. El a gara un pisca grandi. Logicamente ningun hende tabata sa kico tabata na caminda pa tera. Despues di bringa pa bon rato a logra trece e Tribon te na canto. Eynan el a kita y kier a bay bek lama. Otronan presente a drenta awa tene e tribon na su rabo lastre trece riba beach.
Despues hopi di esunnan cu tabata campa a core yega pa mira e catch of the night cu e piscado Irvin a logra. Un bon tamaño pa prepara un bon Kerrie Kerrie.
