Mercée Doran, escritor productor di obra Tula, tambe ta Presidente di Fundacion Bèti Doran ta conta cu nan a haci audicion na juni 2023 y selecta e grupo anto cuminsa cu preparacionnan na augustus. Aworaki cu nos ta na april, ta papia di mas o menos shete pa ocho luna ta train pa esaki intensivamente cu elenco di 100 participante. E elenco tambe ta contene elementonan y personahenan di no solamente Corsou pero tambe di islanan ruman.
Nos tin hendenan di Aruba mes manera Rocco Franken cu a participa den e obra aki. E storia di Tula ta conmove hopi hende na Corsou, bo por mira den e publico con e muchanan tabata scucha bon kico tur tabata pasa y volg e storia cu hopi atencion. A trece esaki den forma di drama pa medio di canto, baile, y conta e historia, a haci cu e muchanan a asimil’e miho.
“Pasobra mi tin cu bisa lastimamente cu for di 5de klas na Corsou nan ta cuminsa siña di Tula, pero despues nan no ta tende nada mas. Di e forma aki bo ta mira cu tabata tin mucha cu a drenta akiden sin sa nada di Tula, pero bo ta mira nan absorba henter e historia di e manera presenta.”
Doran ta bisa cu e intencion ta pa pasa e historia aki na dos otro islanan ruman cu eigenlijk a biba sclavitud tambe. “Semper nos tabata hopi liga na otro, pero lastimamente den cierto traspaso di historia e no a yega mesun cos cerca tur isla.”
E storia no tabata biba, e aña aki Doran a dicidi di skirbi un buki pa mucha di edadnan di 4 pa 8 aña, y despues a dicidi di traha e obra aki pa muchanan tiki mas grandi pa asina rond Corsou muchanan por tende mastanto di sclavitud y di Tula.
