Diaranson atardi alrededor di 4:50 pm a sosode un accidente den Havenstraat. Aki ta caminda cu un taxi Toyota Corolla color blanco TX-89 pa un motibo of otro no a mira e peaton y a alcans’e.
E impacto tabata fuerte. E victima ta un hende homber di edad relativamente halto. El a keda na suela pa basta rato te ora cu ambulance a presenta. Na yegada di ambulance, a atende cu e victima pa na final transport’e pa hospital caminda lo brind’e atencion medico avansa.
E windshield a keda completamente destrui debi na e impacto. Polis registra e accidente aki.
