Tara Eco Supplies ta orguyoso di introduci ArubaWater™ – un liña di awa produci y emboteya na Aruba cu awor no solamente ta disponibel localmente, pero tambe na Merca! . “Nos ta hopi contento pa representa y distribui un producto cu ta emboteya na Aruba, ta crea trabou y entrada local, impulsa exportacion, y promove nos awa puro y bunita isla riba mercado internacional”, Crescenzia Biemans, Managing Director di Tara Eco Supplies, a bisa. “Nos tin e awa di mas dushi na mundo y nos kier pa tur hende pensa di Aruba ora nan pensa di calidad superior di awa.”
Orguyosamente Arubano
ArubaWater™ ta wordo produci completamente na Aruba y ta wordo exporta door di ArubaWater Corp. Pa prome biaha, clientenan internacional lo por saboria e awa dushi y puro di Aruba directamente fo’i e shelvenan di Merca. Esaki no ta solamente un empuhe fantastico pa industria di exportacion y Aruba su comunidad local, sino cu tambe ta sigui crea consciencia riba Aruba y e cosnan maraviyoso y unico cu nos tin di ofrece.
Compromiso cu sostenibilidad
Como e mayorista lider di producto di hospitalidad sostenibel na Aruba, localisa na Bushiri 24, Tara Eco Supplies ta comprometi na representa marcanan di productonan eco-friendly. E boternan actual ta traha pa recicla facil mientras a considera e peso, y e dimensionnan pa por move y exporta di manera mas eficiente posibel. Den 2023 lo mira introduccion di un alternativa mas sostenibel den e boter actual, cu Tara Eco Supplies ta colaborando cu e compania pa produci.
“No solamente nos ta considera e impacto un producto lo tin den nos negoshi, pero tambe e impacto cu e lo tin riba nos medio ambiente, cual nos tin cu proteha. P’esey nos ta trahando man-den-man cu ArubaWater™ pa introduci un boter di awa cu nos isla nunca a mira antes y ta cumpli cu e standardnan halto di sostenibilidad”, Biemans a splica.
Tara Eco Supplies
Haci bo negoshi of cas mas sostenibel cu nos variedad di solucion ecologico di hospitalidad, di cual ta inclui toilet ultra eficiente pa spaar awa, producto di papel higienico recicla, producto di limpiesa di grado industrial, suministro y compostabel biodegradabel pa takeaway y hopi mas.
Ademas di productonan eco-friendly, Tara Eco Supplies ta representa y suministra producto di hospitalidad exclusivo y di calidad, cual ta inclui producto di Figgjo, Rona, Broggi, Vista Allegro, Porvasal, Costa Nova, rango amplio di clechi di hotel, parasol di beach duradero, amenidad cu logo di hotel, pisca y carni di primera calidad, cuminda gluten-free, vegano y organico, y hopi mas. Pa haya sa mas, bishita nos tienda na Bushiri 24 of bishita nos website www.taraeco.com.
