Renobacion di hospital ta andando. Theo de Kool, director financiero di hospital, a splica cu e contruccion ta visibel y por mira esaki den e edificio mes cual a nifica cu un gran parti di e edificio ta cla.
Hopi trabao cu beton a tuma luga, cual ta nifica cu hopi trabao a tuma luga. Esaki ta hopi avansa, de Kool a splica.
Pafo ainda riba di tres y cuatro piso nan ta bezig cun’e, e mester wordo removi. Parti paden ya e ta casi cla. Den un dos pa tres siman, e gran parti e desordo y e stof lo no tey mas. E ora ta cuminsa cu e inrichting di e pisonan.
E ora lo falta solamente e kabelnan, instalacion di internet, etc. lo cuminsa na pone.
E intension di renobacion
Si drenta den e edificio bieu y bay ariba cu lift, un banda di e edificio, ainda ta den uzo. E parti p’ariba ainda ta den funcion. E parti p’abao awo ta bezig trahando riba dje. E ta duna tiki problema, cu nan ta den pleno construccion, hopi cerca di un hospital operacional. Esey kiermen cu tin cu tuma medidanan pa tin menos posibel di desordo, y tambe cruce di e empleadonan di construccion y esunnan di hospital. Constantemente ta den deliberacion cu e contratista y SOGA. E acuerdo ta cu nan no mag di haci trabao, te ora cu tin acuerdonan concreto cu tin un bon separacion entre e area di trabao y e area di cuido di e hospital mes.
Si ta un punto di atencion, ta pesey hopi biaha ta papia riba dje, de Kool a splica.
Ora tur cos ta cla
Ora tur cos ta cla, lo bay tin un aspecto hopi diferente compara cu pasado. Si mira bon, por mira e structura di Beton manera cu ta awor aki, por reconoce e hospital. Pero e intension cu henter e acabado, pa ta casi mescos cu esun di nieuwbouw. Ta asina tambe cu e parti renoba, door cu nan tin un structura diferente, lo por tin cambernan cu cuater y dos cama, mientras cu e edificio nobo tin cambernan di un of dos cama. No tabata posibel pa den e edificio bieuw, mantene e cantidad di cama, si bay pone solamente dos cama. Si sa cu den e edificio bieu tin 4 cama y den e edificio nobo no, por mira esaki. E acabado, e inrichting, muebulario, lo bay wordo renoba y esey ta bisto caba.
Con cos ta canando
E planning ainda ta asina cu rond di e aña aki, banda di December, of na comienso di otro aña, e prome parti di e renobacion lo ta cla. E ora e parti p’abao ta cla. E ora por move for di p’ariba pa pabao. E ora e parti p’ariba lo bay wordo renoba. Esey lo bay dura mas of menos 1 aña.
E edificio completo
Ta di spera cu prome cu aña 2020, e renobacion por ta completamente cla.
Nieuwbouw
Cu e nieuwbouw, tin cu bay sinta custuma ainda. Tin algun cu ta organisa na un manera diferente y warda otro caminda. Tin cu custuma na sistemanan nobo, pero por lo general tur cos ta bayendo bon. Tin algun detaye di e Nieuwbouw cu mester wordo poni riba un lista di cosnan cu tin cu wordo caba. Esey ta canando y esey ta wordo haci manera mester ta. E edificio nobo ta funciona por lo general bon, de Kool a splica.
