Algo pasa di 10or di mainta a tuma lugar un accidente di cadena na e lusnan di trafico banda di Guardian Group. Polis di trafico a presenta y a wak e situacion.
A tuma tur dato di loke a sosode. Trafico tabata ful blokia y tabata tin hopi azeta basha riba e caminda. Ora polis a bay chek kiko exactamente a sosode, e manehador di e prome truck a conta polis cu e V-car color cora tabata para su dilanti y ora lus a bira berde, e V-car a bay den verboden y diripente el a sali bek y pasa su dilanti.
E consecuencia tabata cu e prome truck a mishi e V-car y e otro truck di e mesun compania a pega tras di e chassis. E truck patras a ricibi basta danjo material y no por a sigui core. Polis di Playa tambe a presenta pa asina duna polis di trafico un man pa laga e trafico por sigui cu caminda.
