Pa un par di dia caba DOW ta trahando riba e rotonde nobo, cu ta n’e crusada pa drenta Wilhelminastraat. Algun di e trabounan cu DOW mester haci ta pone cu ta bay cera e rotonde aki completamete.
Diasabra, 13 di augustus, DOW ta cera e area cerca dje rotonde desde 6:00 di atardi y esaki lo habri bek dialuna, 15 di augustus, pa 3’or di marduga. E motibo cu DOW ta cera mas tempran ta pa haci ultimo mientras diadomingo mainta tempran e trabou di asfalta caminda lo tuma luga. Aparte di traha eynan e diadomingo aki, dilanti El Gaucho Restaurant Aruba lo haci un “wegkruising”, esta ta pasa tubo bou di caminda.
Dialuna, 15 di augustus 2022, ta bolbe cera e area pa 7:00 di anochi. Esaki ta pa haci e trabounan di marcacion y pa dia 16 di augustus 2022 ta habri e rotonde completamente. P’e proximo dianan e desviacion ta keda via Nieuwstraat, Columbusstraat, Irenestraat, Sibeliusstraat, Sweelinckstraat y Alfred de Mussetstraat.
