Fundacion Dominicano Arubaanse Juan Pablo Duarte den un conferencia di prensa a suministra informacion pa e celebracion riba 27 di februari awo na momento cu ta recorda Dia di Independencia di Republica Dominicana.
Su presidente Winston Tavarez a cuminsa pa splica cu debi na reglanan di DVG pa cu distanciamento social, e celebracion grandi cu ta tuma luga tur aña ta cancela. Loke si ta bay tuma luga den formal normal ta e tradicional ofrenda floral riba Plasa Juan Pablo Duarte den oranan di mainta.
Hasta na e ceremonia aki den oranan di mainta na e plasa, e cantidad di invitadonan lo ta limita na e ceremonia cu ta recorda e di 177 aniversario di independencia di e pais aki.
Miembronan di e comunidad por pasa na oficina di e fundacion, net dilanti Plasa Juan Pablo Duarte, y por haya hopi informacion di e pais, pero tambe e forma corecto di uza e bandera.
