For di siman pasa, instaladonan di gas y coriente a haya nan badge como tambe nan “instalateursvergunning” (permiso di instalado) cual ta un decreto ministerial pa 2021. Ta algo cu ta tuma luga tur aña.
Segun director interino di Diest Technische Inspecties (DTI) Richella Dorothal, tur aña tin cu haci nan peticion pa por haya e permiso aki, proceso cual mester evalua diferente punto.
Pa loke ta e aña aki si, a bin cu cierto cambionan, cual a pone nan riba papel.
Esakinan ta inclui cu nan tin cu tene nan mes na reglanan mas estricto, cu tambe ta e controlnan haci riba e trabao cu e instaladonan ta haci. Tur esaki ta en conexion di e diferente keho cu ta haya di e publico.
Tambe tin otro tipo di problemanan cu ta presenta, caminda cu a bin cu reglanan mas severo, di loke tin existente caba. Esaki ta pa un miho control miho ta pone tur riba papel, e ora nan por tene nan mes na esey tambe.
E instaladonan registra aki, ta aparece riba un lista otorga pa DTI, tanto riba nan pagina di Facebook, como tambe por pidi pa esaki via e-mail. Contratistanan registra na DTI tambe ta haya un lista, como tambe instancianan concerni.