Stichting Ambiente Feliz y Stichting voor Verstandelijk Gehandicapten Aruba tin 61 cursista cu a slaag.
Un par di aña pasa Stichting Ambiente Feliz (SAF) a tuma e initiativa pa aserca EPI pa sondia e posibilidad pa upgrading di nan trahadonan den e area di cuido. Despues a aserca SVGA pa wak si tin interes pa hunto organisa e curso pa trahado. Na SVGA tabatin e nesecidad tambe y asina a cuminsa e cooperacion entre EPI, SAF y SVGA.
Mester bisa cu danki na senora Mena Curiel (coordinadora di parti di EPI) a logra yega na un curso di 8 session hopi varia di elementonan di cuido. Topiconan tabata por ejempel con pa duna differente tipo di remedie, con pa cuida un herida y con pa hisa un persona.
Examennan di theoria y praktijk a tuma lugar cu e resultado cu 61 cursistanan a slaag (tur cu a haci examen). Masha pabien na tur cursistanan cu a pone energia y dedicacion pa nan bai dilante den nan desarollo personal y profesional!
Como fundacion ta hopi importante pa nos sigui duna cursonan na trahadonan pasobra e mundo ta cambia. Locual tabata un bon cuido 20 aña pasa porta awe ta wordo mira otro. E curso aki ta un bon ejempel cu den cooperacion cu otro instancianan por sigui desarolla.
Danki na henter e team di EPI cu a zorg pa e curso por a tuma lugar.
Masha danki tambe na Cedearuba cu a financia e curso aki cu ta na beneficio di nos clientenan y trahadonan.
