Vocero Policial Lito Lacle a duna un splicacion riba e presencia di Mobiele Commando Kamer di Cuerpo Policial den Weststraat cu a hala atencion di e comunidad for di mainta tempran di diabierna. Den combersacion por a compronde cu e intencion ta pa e keda un tempo indefini.
Lito Lacle ta conta cu e Mobiele Commando Kamer lo t’ey for di ora e tiendanan den vecindario habri te ora nan cera, e luga cu e staciona e Vehiculo ta caminda e lo keda tambe pa awo, capacita y encarga cu camaranan up and running.
Su presencia tambe pa fungi como un metodo preventivo pa asina evita cualkier sucedido lamentabel of grave pasa.
Rond mundo ta comproba cu entre mas visibel e presencia di polis, miho resultado esaki ta trece y como tal ta e intencion di pone e Commando Kamer aki den area cu e lo fungi como un metodo preventivo cu cierto crimennan tuma luga.
Mirando cu e ta un area turistico y cu e weekend lo tin varios actividad carnavalesco, a puntra e vocero Policial si esey tin di haber cu e presencia di e Commando Kamer. Di su banda Lito ta conta cu no necesariamente, mas bien e ta pa su presencia en general y mirando cu tin hoyeria y riba algun dia 10mil turista den e area, a opta pa un miho control pa pone e Commando kamer aki na e stio aki.
Segun e vocero Policial Lacle, e Mobiele Commando Kamer lo keda na e sitio aki pa un tempo indefini. Cuminsando for di awe te momento cu haya cameranan di miho calidad pa e area. Pa locual ta trata e Commando Kamer lo tin un miembro di Cuerpo Policial encarga, no ta descarta cu lo bira mas pero cu e tarea di monitorea y informa di cualkier movecion y/o acto sospechoso of criminal.
Mensahe di Cuerpo Policial ta cla, na momento cu bo tin intencion of comete cualkier acto contra ley, corda cu bo ta graba. Intencion pa e fungi como e parti preventivo pa evita cualkier cos pasa, pero si tuma cualkier acto contra ley lo tin esaki graba. Tambe ta apela na e comerciantenan pa nan tambe tin nan siguridad na ordo pa evita atraconan di pasa.
Pa finalisa Lito Lacle ta conta cu e la keda encarga pa keda den contacto cu e comerciantenan den e area cual ta mayoria Joyeria, pa nan bin cu un cooperacion mutuo con pa yega na prevencion di crimen y mehora nan productonan contra crimen pa nan negoshinan.
