Falta di preferencia un biaha mas na un crusada, conoci pa accidentenan innecesario si acaso cada chauffeur tene su mes na reglanan di trafico, a keda registra den oranan di merdia.
Crusada di Zoutmanstraat cu Caya Mario Harms (brug chikito di Lagoen) ta caminda a tuma luga un accidente entre un Kia Rio y un Corolla ( Color Blauw ) pa motibo di falta di preferencia. Esaki a sosode den careda di 4:00PM.
E mama a pasa un susto na momento cu e Corolla no a para na e crusada y a bin dal den nan, su prome pensamento tabata e criatura cu tabata den auto. Afortunadamente e no a ricibi ningun golpi, pa locual ta trata e chauffeur y ocupante. Ambos tabata keha di algun dolor na curpa. Ambulance a presenta na sitio pa trata esnan envolvi den accidente.
