“Na Aruba danki Dios te na e momentonan aki NO tin ningun caso registra”, asina Minister Dangui Oduber, encarga cu maneho di salubridad publico riba nos pais a habri dialuna anunciando. Esaki ta bin despues cu Hulanda, St. Maarten y hasta Santo Domingo a raporta nan prome casonan di e enfermedad aki cu ta contagiando pashentnan rond mundo caba.
Na un manera pro activo entre awe dialuna y mañan diamars, Gobierno tin un agenda yen:
- Awe merdia Departamento di Salud Publico (DVG) lo tin un sesion cu tur hotel
- Awe nochi lo tin un sesion cu tur dunado di cuido na Cas di Cultura pa 7:00PM
- Mañan merdia lo tin un sesion LIVE riba Facebook cu DVG pa 1:00PM. Gobierno ta invita tur hende riba social media pa sigui esaki y haci tur Bo preguntanan.
- Lo tin sesion na tur cu ta brinda cuido na cas di ancianonan
Minister Dangui Oduber ta urgi comunidad pa sigui noticia via medionan di comunicacion pa informacionnan cu ta suministra na communidad relaciona cu Coronavirus.
