Famia Planea no ta wordo 100% subsidia pa Gobierno. Nan ta wordo subsidia un 80% door di Gobierno. 20% nan ta purba di draai riba nan mes segun e directora Evelyn Ras Yarzagaray. Ta un cambio cu a bin den 2017. E tabata otro na final di 2016. E porcentahe cu Gobierno tabata subsidia tabata un tiki mas halto. Nan a bin cu un plan pa haci tur instancia mas sostenibel. Pesey FFP a bin cu cierto cambionan den prijs, cambionan den e approach.
Evelyn Ras-Yarzagaray a splica cu un otro cambio cu nan lo bin cun’e, ta e approach cu e barnan, dokternan di cas, AZV. Ta trahando cu un federacion internacional cu yama IPPF unda cu pais Aruba ta afilia na dje y ta e mesun trabao cu FFP ta haci, ta wordo haci mundialmente, hunto cu 172 otro pais, ta afilia na e federacion aki. Atraves di e federacion aki, cu FFP ta traha cun’e, nan ta ricibi nan metodonan anticonceptivo. E ta bay a base di performance based funding. Con bo ta perform, con bo isla, bo pais ta perform pa nan por haya datonan di aki na Aruba. E porcentahe di personanan cu ta riba un oral contraceptive, esunnan cu ta riba un prik, esunnan cu ta riba un IUD, pa mira kico ta e necesidadnan y pa nan por vul aan esaki. Tambe algo hopi importante cu a menciona, cu nan ta e backbone di e parti di educacion sexual cu ta duna na e scolnan.
Tur aña e federacion aki ta percura pa e trahadonan di Famia Planea, y e otro federacionnan, ta bin hunto pa mira kico ta e temanan cu ta bin dilanti durante aña riba sexualidad. Kico ta importante di un salud sexual. Kico ta al tanto y nan ta e weso di lomba cu ta brinda informacion, cu asina ey tambe ta haci investigacionnan internacional, qua nan por tin un miho calidad di informacion ora cu drenta e scolnan. Di e federacion aki tambe ta haya un tanto porcentahe di nan entrada. Nan mes ta percurando pa hisa esaki tambe pa nan mes draai riba nan mes, pa bay hisa e entrada cu nan mes ta bezig ta genera na benta di e productonan aki. Esey basicamente nan no ta full dependiente di esey, pero e idea ta cu den transcurso di aña nan para mas miho riba nan pianan si.
