Teo Croes director di Arubus a comenta cu e subsidio tabata 4 miyon semper, pero tabata tin 2 miyon riba dje cu a wordo uza pa paga un lening. Pero mientras tanto e 4 miyon aki ta for di 1998. E gastonan a subi cu 57% pa 2009.
Awor aki e ta mucho mas. Loke a pasa ta, na 2009, segun Croes, nan a kita e 2 miyon, nan a haci’e 4 miyon so. Eynan e problemanan a cuminsa y Arubus a keda bay abao. Te awor aki e ta na 4 miyon, plus 1 miyon pa paga belasting cu ta haci’e 5 miyon. Pero loke ta pasa, ta cu mester di 8 miyon pa e compania por draai. Aruparking no tin subsidio. Arutram ta haya mita, ta wordo paga un parti door di e pasaheronan di crucero, cual ta bay pa Arutram.
Ta un otro ponencia cu Diego de Cuba ta menciona, cual no sa kico e ta papia. Pa cuminsa e tram ta un producto cu turistanan, loke ta buta riba e tramnan, ora nan bin for di crucero ta subi y e ta unico pasobra ningun caminda tin’e. E ta unico den e area aki. Di dos, De cuba no sa di unda e placa ta bin pa cover’e. E placa no ta bin di Arubus. Esey ta algo otro.
Algo firma
Esaki ta e ultimo reunion cu tabata tin cu sindicato, cu tabata dia 31 di Augustus. Tabata tin un protocol firma prome cu esaki, cu tin cierto puntonan cu a keda habri y cu a keda cla cu nan. Un di nan tabata schalering. A palabra cu reemplasante di mediador, caminda cu a palabra riba tur e puntonan, cual den e salario di otro siman e schalering ta bin aden cu terugwerkende kracht. Tabata tin e punto di airco di bus. A splica con leu ta cu Brazil. Tabata tin un problema cu e busnan nobo. Tabata tin e alternatornan tabata kima, cual tabata un fout di fabrica. Ta bezig cu nan. Croes a papia tiki fuerte cu nan pasobra nan ta tardando. No ta cuestion cu ta para keto. Croes a mira un whatsapp cu e hendenan lo a bay welga, basa riba binimento di un chauffeur bek. Djey ta cambia pa protocol, djey ta cambia pa bus. Ta algo cu nan a sinta caba riba dje. Atrobe ta bolbe bin cu ponencianan cu no ta cuadra. Ta haci hopi cos cu expresionnan for di sla. Ultimo biaha cu nan a welga, nan a cuminsa cu schalering. No por a haci nada cu esey. Djey nan a bay riba bus nan situacion. A mustra cu tur ta gekeurd pa DTI y hues a mandanan traha. Djey nan a bay riba rijvergunning, cual nan sa cu tur aña e no ta bin na December. DTP ta duna un verlenging te cu Maart.
Cada bes ta un wega. Contribui na yuda e compania. Cada bes e cosnan aki ta destructivo. Yuda abo tambe. Cada bes ta bin cu insinuacionnan di mal maneho. E bin mustra e gerencia y yuda cu esey.
Mensahe
Teo Croes a splica cu nan a bin cu algo cual ta exigi cabes di e director riba mal maneho, pero basa riba kico. Mustra na unda, el a cuestiona. E trahadonan no ta compronde, cu for di dia cu Croes a drenta eyden, ta cu huña ta paga cos. Semper tin problema financiero. Ta pidi vendor wanta pa por paga salario. No por paga ni belasting, pasobra tin cu paga salario. Unda e mal maneho ta, nan tin cu bin bisa. Nan ta bisa cu e busnan, pero un biaha mas. Ta bezig cu Gobierno. Ta tende nan menciona minister su nomber, cuenta cu e reunion di minister, etc. Pero Arubus ta bezig cu esey. Minister ta bezig cun’e, hunto cu Raad van Commissarissen. Awo a entrega e proposalnan di lease nobo, ta bezig ta wak un lening. No ta cuestion cu nan ta para kedo, ni di parti di Croes, ni di parti di Gobierno
