E trahadonan di Arubus a sali pa dos ora y nan ta malcontento pa e hecho cu a trece algun hende di Aruparking pa Arubus cu un salario hopi halto. Segun Teo Croes, director di Arubus, a splica e cuestion di salario halto, no ta cuadra.
Decision a wordo tuma pa mandanan un tempo Aruparking, no ta di spera di trece nan bek, pero door di cambionan cu a bin den e parti financiero, un decision comercial a wordo tuma door di Raad van Comissarissen, a wordo tuma pa mandanan bek.
E salario barbaro, e ponencia no ta klop. Tabata un toelage cu nan tabata tin. Den un caso e caso a bay den salario y e otro caso ta cu e toelage lo bay wordo kita.
Cada responsabilidad ta bin cu su remodelacion. Un supervisor, no ta mesun cos cu un chauffeur. E persona aki a bay como chauffeur den Arubus, el a bay Aruparking como supervisor y a tuma responsabilidad grandi. Awor aki locual ta evaluando ta kico ta bay haci. Si ta bay dun’e un passend werk. Esey ta algo prematuro, e no por core bus ainda pasobra e mester warda algun siman pa e por haya su rijvergunning, etc.
Na prome instante nan ta papia cu ta bay welga pa esey. Bo no a papi’e. Bo no a sinta cu un conflict. Djey ta scucha declaracionnan di sr. Diego de Cuba. E ta splica cu e ta haya ril leu a leu y ta bay pompa cu Arubus. E pica ta, cu e ta influencia e hendenan malo. Tin un grupito cu echt no ta satisfecho pa cosnan personal y e ta inclui algun di e shopstewardnan y ta instiga e otronan. Nan ta wordo yuda cu sr. de Cuba y ta causa cosnan inecesario.
No ta Teo Croes no ta wordo afecta, pero ta bo pan bo ta afecta, segun e director.
Interes personal
Croes a sigui splica cu poco dia a sinta cu dos shopsteward y ta splica di e kibramento di bus. Nan tambe mester yuda den esey, esta defende no solamente trahado, pero tambe pa e compania sigui pa e trahado tin su trabao. A papia cunan y a trece dilanti di maltrato di bus, coremento duro, etc. Ora cu a bin cu e idea a bin cu controler, e shopsteward a pone nan mes disponibel pa bira controler. Cu nan ta sali como shopsteward y no ta molestia e director mas. E interes no ta di berdad pa e trahadonan, e interes ta personal y esey e director ta sinti esey.
Busnan bieu
Tin busnan cu ta mas di 15 aña bieu cu no por core mas. Tin mita di e flota cu ta para. E director a splica cu tin bus cu ta core 22 ora pa dia. Bus no por para pa haci un preventive maintainance manera mester ta, ta berdad. Cada biaha Diego de Cuba ta menciona mal maneho, gastamento di placa. E director a splica cu pa cuminsa cu no tin placa ni pa gasta, corda pa malgasta. Di dos, a bis’e cuanto biaha, si tin mal maneho pa sinta cu nan. Papia riba e mal maneho, unda e ta. Mustra unda e ta y ta haci cierto cosnan. Pero e no ta haci esey.
