Durante e fin di siman di 5, 6, y 7 di april 2019 e equipo di natación, Stingray Swimming a organisa su competencia anual, “Stingray Challenge Invitational” na Pisina Olimpico Roly Bislik. E aña aki tabata e di 13 edicion di e “Stingray Challenge Invitational” y e bataya tabata fuerte entre e teamnan di Aruba y Curacao.
E aña aki, e XII Stingray Challenge tabata un competencia clasificatorio pa CCCAN y e aña aki, e equipo di natación di Curacao, Sithoc Swim Club tambe tawata presente hunto cu e equiponan di Aruba, Aruba Dolphins, Swimming team the Orcas y Stingray Swimming pa e fin di siman di competencia exitoso.
Despues di un fin di siman largo unda cu e landadornan a hasi nan máximo esfuerzo pa mehora nan tempo y clasifica pa CCCAN, Stingray Swimming ta titula campeón di e XII Stingray Challenge cu un total di 1617 punto. Aruba Dolphins ta tuma di dos lugar cu un total di 1331 punto. Sithoc Swimming di Curacao ta tuma di tres lugar cu un total di 465 punto. The swimming team the Orcas ta keda na di cuater lugar cu un total di 339 punto.
Meet Records & Records Arubano
Durante e fin di siman di competencia aki un total di 5 ‘Meet Record’ a wordo kibra. Den categoría di 7-8 women, Gabrielle JohannesMaduro ta hasi 3:08.89 e ‘Meet Record’ nobo pa e 200 meter LC Freestyle. Den e categoria di 11-12 Men, Jaydon Croes ta hasi 33.23 e tempo nobo pa e 50 Meter LC Backstroke, Braynsly Dirksz ta hasi 1:14.30 e tempo nobo pa e 100 Meter LC Breaststroke y Gavin Kock ta hasi 2:43.88 e tempo nobo pa e 200 Meter LC Breaststroke. Den e categoría di 15 & Over Women, Anahi Schreuders ta hasi 1:17.16 e tempo nobo pa e 100 Meter LC Breaststroke. Banda di ‘Meet Record’ Aruba a conoce 1 record Arubano pues pa e categoría di 6 & under men, Leandro Santiesteban ta hasi 59.22 e tempo nobo pa e 50 Meter LC Breaststroke.
CCCAN 2019
Un total di 6 landador a logra clasifica caba pa CCCAN 2019. E aña aki CCCAN lo tuma lugar entre 24 di juni y 8 di juli, na Barbados. Den e categoría di 11-12 Women, Giancarla Larez ta clasifica pa e evento di 200 Meter LC Backstroke cu un tempo di 2:50.64. Den e categoría di 11-12 Men, Jaydon Croes ta clasifica pa e evento di 200 Meter LC IM (individual medley) cu un tempo di 2:33.84 y 100 Meter LC Freestlye cu un tempo di 1:01.26. Braynsley Dirksz den categoría 11- 12 Men, ta clasifica pa e evento di 200 Meter LC Breaststroke cu un tempo di 2:46.42, e evento di 100 Meter LC Breaststroke cu un tempo di 1:14.30 y e evento di 50 Meter LC Breaststroke cu un tempo di 33.87. Den e mesun categoría, Gavin Kock ta clasifica pa e evento 200 Meter LC Breaststroke cu un tempo di 2:43.88, e evento 100 Meter LC Breaststroke cu un tempo di 1:16.21, e evento di 50 Meter LC Breaststroke cu un tempo di 34.41 y den e evento di 200 Meter LC IM (individual medley) cu un tempo di 2:34.42. Den e categoría 15-17 Women, Elisabeth Timmer ta clasifica pa e evento di 50 Meter LC Freestyle cu un tempo di 27.31 y pa e evento di 200 Meter LC IM (individual medley) cu un tempo di 2:33.95. Den e categoría di 18 & Over Women, Anahi Schreuders ta clasifica pa evento di 100 Meter LC Breaststroke cu un tempo di 1:17. 16 y e evento di 50 Meter LC Breaststroke cu un tempo di 35.20.
Resultado di High-Point Throphy
Age-Group | Name | Team | Points |
6 & Under – Men | Leandro SantiestebanJermaine Gravenstijn | Stingray SwimmingStingray Swimming | 2714 |
7-8 Women | Gabrielle JohannesMaduroEva KockAndrea Solovey | Sithoc Swim ClubStingray SwimmingStingray Swimming | 604824 |
7-8 Men | Samuel CastilloEnrique van den HengelIan Bakmeyer | Sithoc Swim ClubAruba DolphinsAruba Dolphins | 574830 |
9-10 Women | Mikaela SmithDianthe KockAliyah Estrada | Aruba DolphinsStingray SwimmingAruba Dolphins | 725839 |
9-10 Men | Ocean van LoonIan CroesTristian Danje | UnattachedStingray SwimmingAruba Dolphins | 725448 |
11-12 Women | Giancarla LarezLiv FarroXiara Mora Polanco | Stingray SwimmingAruba DolphinsSithoc Swim Club | 827771 |
11-12 Men | Jaydon CroesBraynsly DirkszGavin Kock | Stingray SwimmingAruba DolphinsStingray Swimming | 848180 |
13-14 Women | Lynette TrompMichaline de CubaBritta Schwengle | Stingray SwimmingStingray SwimmingAruba Dolphins | 797470 |
13-14 Men | Arvid FarroRonald FunDerek Yrausquin | Aruba DolphinsAruba DolphinsStingray Swimming | 907574 |
15 & Over Women | Elisabeth TimmerAnahi SchreudersChloe Farro | Stingray SwimmingStingray SwimmingAruba Dolphins | 938066 |
16 & Over Men | Nathan CroesGabriel LopezAlexander Angela | Aruba DolphinsStingray SwimmingSithoc Swim Club | 897254 |
Pabien na tur atleta cu a competi, kibra meet record, record Arubano y pa esnan cu a clasifica pa CCCAN 2019. Danki na Aruba Bank, Aruba Airport Authority, Tropical Bottling, Johnson Enterprices, Romar Trading, Lotto y Marriot Aruba cu a yuda cu voluntario pa asina hasi e competencia aki uno exitoso. Un danki special ta bai na tur mayor cu ayuda durante competencia, tur voluntarionan cu ta yuda time e atletanan y por ultimo tur e coachnan cu ta prepara e altletanan pa tur competencia.