Ta bay tin un charla importante dia 11 di April den MFA na Paradera cuminsando pa 6’or y mey di atardi.
Algun dia pasa tabata tin un otro caba y exitoso, cu sala yen y e biaha aki no ta bay ta diferente. Parkinson ta presente na Aruba y hopi famia ta mustra interes pa atende un reunion asina importante.
Dr. Robert Weiser, neurologo,a splica cu otro siman, dia 11 di April, lo bay ta World Parkinson Day. Pesey a tuma un oportunidad pa reuni atrobe tur hende cu e malesa di Parkinson na Aruba, tur famia, tur hende cu ta interesa den e tema y ta bay haci un charla cu dos obhetivo.
E prome obhetivo pa por celebra e World Parkinson Day, of Dia Mundial di Parkinson y ta bay haci un actividad tocante e tema aki.
Lo bay papia un biaha mas riba e malesa di Parkinson. Ultimo biaha e tabata un tiki ma cientifico tocante kico ta malesa, etc. E biaha aki, manera cu ta bay celebra e Dia Mundial di Parkinson, ta bay haci algo un tiki mas humanistico.
Ta bay papia riba e tema Living With Parkinson Desease (Bibando cu malesa di Parkinson). Tur recomendacion pa tur pashent, tur famia, tur hende cu tin un famia cu malesa di Parkinson den cas.
Manera cu mester papia cun’e, manera cu mester biba cun’e tur dia, henter dia, pa asina hende por compronde un tiki mas miho. Esey ta nifica cu tin un hende cu malesa di Parkinson den cas. Ta bay papia tocante e tema aki. E ta hopi interesante, e ta hopi cos skirbi tocante e tema di Living With Parkinson Desease.
Por haci un bon actividad y ta algo cu ta mundial. Henter mundo, e dia aki ta wordo observa. E ta un dia importante pa tur esnan cu tin e malesa di Parkinson y Aruba no por keda afo.
Cu esnan di Organisacion di Parkinson Aruba, a organisa un anochi di actividad, di papia, di comparti tambe, pa e persona cu tin e malesa di Parkison, no pensa cu nan ta so. Hopi hende mester di ayudo, hopi hende mester di un grupo cu ta uno di apoyo, a esnan cu tin e problema aki y ta aki pa yuda e hendenan ey pa biba un bida mas miho.
Edad
Pa edad, e malesa di Parkinson, ta cuminsa entre 50 pa 65 aña. Pero e ta un grupo di hende cu por cuminsa cu e malesa hopi mas tempran. Tin pashent cu tin menos di 35 aña, cu nan a cuminsa cu e problema aki. Otro hende a cumins cu 40, 45 aña. Pero mayoria di hende ta cuminsa despues di 50 aña te cu 65 aña.
Por haya hende tambe cu ta cuminsa cu e malesa ora cu nan ta hende grandi, manera 75, 80 aña. Esey por pasa, pero e ta menos frecuente.
E malesa aki no por cura. Parkinson no por cura, pero tin hopi sorto di remedi pa malesa di Parkinson y hende cu tin un bon tratamento, por haya un bon calidad di bida. Si nan no ta wordo trata, e ora si, nan por pasa hopi malo. E malesa aki por ta un malesa mortal si hende no ta cuida. Si no ta bebe remedi, pasobra nan ta vries, nan por cay y haya un weso kibra, e ora si. Pero si nan tin su tratamento y nan ta cumpli cu e tratamento, nan por haya un bon calidad di bida.
Contesta riba pregunta
Esnan cu presenta, por haci nan preguntanan. Dokter lo bay tey pa contesta tur cos.
E problema di Parkinson
Parkinson ta un problema, aunke cu e no ta hopi grandi na Aruba. E tin un estadistica y ta sospecha cu por haya entre 100 pa 200 pashent cu malesa di Parkinson. E ta hopi si, segun dokter Weiser.
