E siman aki por a observa cu Monumentenbureau a reacciona riba e echo cu Nicolas Store tabata bezig ta verf e parti pafo. Anne Witsenburg-de Jong, directora di Stichting Monumentenfonds a indica cu Monumentenbureau tabata bezig na San Nicolas y Nicolas Store ta un di e diesseis monumentonan proteha.
Semper nan ta purba di laga e monumentonan den bon condicion. Nan ta traha c’un ‘meerjaren onderhoudsplan’ y e aña aki nan tabata tin riba planning pa verf Nicolas Store. Esaki despues di seis aña.
Pero na momento cu a anuncia cu e famia real Hulandes ta na caminda, mesora a cambia di plan pa asina cuminsa mas trempan di loke tabata planea. Monumentenfonds tambe a post riba Facebook cu nan a cuminsa cu e trabou y totalmente corecto, Monumentenbureau a recorda nan cu lo mester meld ora cu ta traha riba e monumentonan.
Witsenburg a indica cu nan tin bon contacto cu Monumentenbureau y pronto nan lo reuni cu ne. Pero el a indica cu pa verfmento so no tin mester di permiso y e trabounan di verfmento lo continua.
