W Aviation ta entrena su staff pa preveni Covid-19 di plama na nan facilidad, pasobra nan sa e importancia di mantene tanto nan staff como nan clientenan sigur.
E numbernan ta sigui subi y baha, no solamente na Aruba, pero tur rond mundo, Covid-19 no ta bay ningun caminda. P’esey directiva di W Aviation, e terminal aereo priva di Aruba, a cera convenio cu e Ministerio di Boluntario di Freewinds pa haya miho entrenamento cu tin pa mantene e terminal aereo sigur, door di desinfecta cu D7. Arma cu e tecnologia y e hermentnan provee pa Freewinds, W Aviation sa con pa mantene su lugar sigur.
Anteriormente a duna W Aviation un kit di D7. E kit tin tur e herment y material necesario pa desinfecta cu e agente mas efectivo cu ta mata bacteria y virus riba mercado, D7 of Decon 7. D7 ta capaz di mata y neutralisa 99.9999% di tur virus y bacteria.
Pero e hermentnan so no ta suficiente. Ta clave pa haya e entrenamento adecua den e uzo di e material y herment pa ta efectivo. P’esey a scoge dos empleado di W Aviation pa haya e entrenamento y sabiduria necesario pa desinfecta e facilidad completamente.
Bon entrenamento ta inclui teoria, preparacion corecto y exacto di e solucion D7, aplica e D7 door di spuit y haci e luga limpi despues. Awor cu nan tin e hermentnan y entrenamento corecto, e terminal tin e habilidad di proteha e facilidad contra e importacion di Covid-19 door dje personanan di exterior.
Marvin Silvania a bisa lo siguiente encuanto e entrenamento ricibi di e Ministerio di Boluntario di Freewinds: “Bunita experiencia, algo nobo pa siña! Nos tin mester di e informacion aki! Ta bon pa sa kico tin di haci y con pa hacie. E ta duna bo confiansa, danki”.
Leo Maduro, agente di rampa, a añadi: “E ta hopi bon! Nos mester di dje! E ta data hopi importante pa nos. Nos ta Frontliners, nos ta topa cu hende cu por tin Covid-19, nos mester sa con pa maneha esaki.”
Desde comienso di e pandemia, e Boluntarionan di Freewinds ta sigui e concepto basico di e fundado di Sciensologia, L. Ron Hubbard, cu ” un ons di prevencion ta bal un ton di cura”.
Pa asistencia di Freewinds pa ricibi seminario di prevencion of training con pa desinfecta bo organisacion cu D7, por fabor tuma contacto cu Deputy Port Captain di Freewinds na email: Susan.lora@ freewinds.org of na signal+1 727- 549-8104 of na cel 297 747-1613.
Pa haya sa con pa proteha bo mes y otronan, y con bo por mantene bo cas bo luga di trabou sigur, bishita The How To Stay Well Prevention Resource Center online na www.scientology.org/staywell. Riba e website aki por haya tur pamfleta di Staywell y pamfleta pa download y copia gratuitamente.
