Diasabra anochi na St. Maarten nos representante Sra. Diana Bikker a representa GLW Foundation na St. Maarten pa Sra. Mama Elegancia cu ta honra e hende muher y e ser Mama.
Durante e competencia di 5 dia mester a haci diferente presentacion manera un Pink Runway, un Dansa den Trahe Tipico, Un trahe Recicla y tambe duna un speech di e importancia di ta un Mama. Diana for di e prome momento a impacta y diasabra a gana e premionan di Best in Interview, Best Evening Dress, Best Futuristic Dress y International Elegance Mother Queen. Un palabra di Pabien ta bai na Diana cu a laga Aruba su nomber luci un biaha mas , esaki no ta prome biaha cu Diana ta representa nos isla, Diana ta un mama di 2 yui y ta wela di 1 nieto preparando pa ricibi e di dos.
Na aña 2012 Diana su yui muher Isabella Gonzales a participa den Miss Teen Aruba International y a keda como 2nda Finalista y di eynan semper e relacion a keda masha ameno cu Sra. Diana cu semper a keda duna un man unda mester. Nos ta masha orguyoso di Sra. Diana Bikker cu aparte di a gana e corona principal a gana tambe Best Interview, Best Gala Dress y Best Futuristic Dress.
