Diabierna ultimo nos representante Daniella Pop a wordo invita pa prome Minister Sra. Evelyne
Wever Croes y Presidente di Parlamento Mr. Ady Thijsen pa asina e por a presenta su Proyecto encuanto Bullying, un Proyecto cu Daniella a inicia di aña pasa y awor ta conlcui cu e bishita serca nos Parlamentarionan y nos ta orguyoso di bisa cu e Proyecto a culmina na un forma masha positivo mirando cu durante e presentacion Telefoon pa Hubentud tambe a duna algun statisticanan di casonan di Bullying y tabatin hopi interes di parti e parlamentarionan y na final nan a compromete cu e Fundacion cu nan ta bay dunanan e apoyo nesecario pa sigui cu nan labor.
Durante e presentacion cu a dura algo mas di dos ora Daniella a contanan di su propio experencia cu Bullying y con e la logra Sali for di esaki cu ayudo di su mama cu semper tabata banda di dje como un support. Na final Daniella a trece riba mesa varios propocision hunto cu Tel pa Hubentud na nos parlamentario cu na nan turno tambe a haci varios pregunta y na final a gradici Daniella pa su curashi y dedicacion di e Proyecto aki. Riba e foto por mira Daniella hunto cu Tel pa Hubentud y representantenan di Parlamento. Daniella a Sali Diadomingo 11 di February pa representa nos isla na Nicaragua pa Teen Universe 2018 cu lo tuma lugar diasabra 17 February 2018 na Managua. Nos di GLW Foundation ta desea nos representante Daniella Pop tur clase di exito. Aruba Ariba.
