Spaña a golea Alemania pa ta den fase final

701

Spaña a logra algo historico y escandaloso contra un di e miho seleccionnan di mundo, esta Alemania, door di gana 6-0. Esaki ta pone cu nan ta den e fase final di Liga di Nacionnan Europeo.

Den seis minuut di wega Sergio Ramos a purba anota e prome gol contra Manuel Neur cu un tiro liber cu e keeper a para. Na 17 minuut di wega Alvaro Morata a habri e marcado pa Spaña. E wega a continua y e di dos gol ta cay na di 33 minuut pa Ferran Torres, mientras cu 5 minuut despues Rodri ta anota e di tres gol pa Spaña.

E di dos tempo a cuminsa unda cu Alemania tabata busca pa anota gol, pero e hungadonan di Seleccion di Spaña a percura pa sigui tin posision di e bala. Na 55 minuut di wega Ferran Torres ta marca su di dos gol di wega y e di cuater, mientras cu na 71 minuut un biaha mas e ta anota un otro gol pa Spaña. Mikel Oyarzabal a haya un oportunidad a anota e di seis gol na di 89 minuut.

Alemania a haya dos biaha oportunidad di tira riba gol, mientras cu Spaña a tira 23 biaha riba gol. Alemania a comete 12 falta, Robin Koch (37) y Jonathan Tah (67) a haya carchi geel pa comete infraccion.

Potret y texto cortesia di EFE/Julio Muñoz y EFE/José Manuel Vidal