Minister di Enseñansa, Siensia, Kultura i Deporte sra. Marilyn Alcalá-Wallé, a duna enkargo na SOAB pa hasi un asina yamá “feitenonderzoek” riba e proyekto di Sportveld Barber.
Manera ya e Minister a informá Parlamento den su karta di 7 di mart último, e a hasi diferente intento pa por haña un bista kompleto enkuanto e trayekto di Sportveld Barber.
Tumando nota di e tardansa den e kaso aki, Minister Alcalá-Wallé a duna enkargo na SOAB pa realisá un investigashon pa trese klaridat pa komunidat mas pronto ku ta posibel.
