Prome cu e Parada di Carnaval 70 a inicia na Playa, presidente di SMAC (Stichting Maneho Aruba su Carnaval) Darren van Ommerena hiba palabra unda a papia di e celebracion aki, unda cu mester apoya y motiva e hobennan pa participa den e celebracion aki, pasobra nan ta esnan cu lo sigui carga e celebracion cultural aki di Aruba den futuro.
Na inicio el a bisa cu carnaval ta e celebracion cultural mas grandi di Aruba. “Nos carnaval ta simbolisa e alegria, color y espirito vibrante di nos isla. E ta un fiesta cu ta uno nos como pueblo y ta demostra nos cultura y creatividad na mundo henter.”
Carnaval ta existi pa 70 aña caba y e presidente di SMAC papia di e importancia pa apoya y motiva hoben y muchanan pasobra nan ta e futuro. Mester duna nan e hermentnan necesario pa sigui preserva y innova e celebracion cultural aki. “Si nos no inculca loke cu nos sa den nos hobennan, ken lo sigui cu e celebracion.” Y a agrega cu SMAC ta desea pa nan carga e parti di cultura aki y sigui cu ne den nan curason.
Tambe el a duna un resumen di loke tabata e temporada aki cu en total di 39 actividad den un periodo di seis siman, pa cual ta gradici tur grupo cu a dedica hopi tempo PA PRESENTA FIESTANAN BUNITA RIBA CAYANAN DI Aruba.
Tambe a manda palabra di gradicimento na tur stakeholder pa nan envolvimento. Danki pa un temporada exitoso, Darren van Ommeren a bisa. “Sigui contribui pa crea carnavalistanan di curason.”
