Poco poco e preocupacion entre e trahadonan di Excelsior Casino na Holiday Inn ta creciendo. Segun presidente di FTA, Hubert Dirksz, nan ta na mesa cu e abogado di e compania.
Ultimo a keda palabra cu nan lo bin bek e siman aki pa nan por firma un protocol, caminda cu nan ta bay discuti e ora con e relacion ta bay ta cu e trahadonan ta miembronan di FTA y tin cu prepara e ora pa loke ta bin. E compania lo kier keda, apesar di e rumornan cu tin cu lo tin ceramento di e compania, den sentido di renobacion etc. Apesar di esey, lo tin un deseo di e compania pa continua. Esey ta sperando. Ta spera si e compania ta continua, te con leu e ta bay continua. Si e compania aki no lo keda pa hopi tempo, tin cu papia e ora di con ta para cu e trahadonan, nan salario, nan condicionnan di trabao y si mester yega na un CAO, y si ta bin un compania nobo. Ainda ta den un comienso di un negociacion pa wak kico ta bay ta e resultado.
Noticianan negativo
Di parti di e trahadonan, nan a expresa hopi incertidumbre di loke ta pasando den e compania, pero tambe rumor di e hotel mes tambe, cu posiblemente lo bay tin cambio den e hotel, renobacion, etc. Tur esaki a trece cu posiblemente lo bay tin cambio di dunado di trabao of cambio di edificio, etc. Tur hende ta den un speransa pa wak kico ta bay pasa.
E episodio di Aura Casino
Sano huicio mester prevalece. Si mester yega asina leu ta di spera di parti di gobierno tin bista riba esaki pa historia no ripiti. Pero en todo caso e sindicato ta na mesa cu e abogado y cu bon confiansa, sperando cu e parti aki lo sali miho cu esun di ex Aura Casino.
