Den cuadro di siman di mucha, Centro pa Hoben y Famia lo enfoca tur e dianan aki riba e tema di abuso sexual di mucha. Lo comparti informacion valioso di profesionalnan, cu ta bon prepara, studia y cu amplio experiencia riba e tema aki.
Rashell Gibbs, empleado preventivo di Directie Sociale Zaken, a bisa cu durante e siman aki lo duna informacion riba e procedura, despues di un incidente asina, di con pa atende cu e victimanan aki. Ta pidi tur hende pa no perde e oportunidad pa ricibi informacion debido y pa contribui hunto na un comunidad liber di abuso sexual di mucha.