Dos aña pasa e ekipo di Deportivo Nacional a titula campeon di futbol Division di Honor di Arubaanse Voetbal Bond, AVB. Tabata un wega final cu SV RCA mes! Awo despues di dos aña historia ta ripiti y Silo Brete, Presidente di Deportivo Nacional ta convenci cu nan tin un team capas pa bay cas cu e copa di campeon.
Deportivo Nacional ta conoci pa su fanaticada grandi, specialmente di e districto di Noord. Ta invita nan pa yega trempan na stadion GP Trinidad na Dakota. E hungadonan ta conta cu e calor di e fanaticonan fiel.