SV Racing Club Aruba e aña aki ta celebra 85 aña di existencia, pues tin mas motibo pa bay cas diaranson anochi cu e trofeo di campeon bou brasa. Su fanaticonan ta conta riba esey tambe, pasobra e ekipo ta suficiente bon pa surpasa e reto di gana Deportivo Nacional den e wega final pa campeon di Division di Honor.
Sinembargo, un di e fanaticonan fiel di SV RCA a haci un apelacion riba ambos ekipo, tanto esun di Solito como esun di Noord, pa corda riba e nivel halto cu publico ta spera di nan. Y mas cu tur cos….nan tur ta “role model” pa e chikitinnan den futbol, pues no defrauda nan!
