E entusiasmo ta grandi, no solamente bou di dirigentenan di e ekipo Deportivo Nacional sino tambe bou di su fanaticonan. Un districto uni ta cla pa apoya nan ekipo diaranson anochi den Stadion GP Trinidad na Dakota. E ultimo wega pa dicidi ken ta campeon di Aruba, sea ta SV RCA of Deportivo Nacional.
Ta corda fanaticonan pa yega na ora, pasobra wega ta cuminsa na ora. Ta premira un bunita wega di final, den cual e dos miho ekiponan cu a clasifica pa final lo enfrenta otro. Cada un a gana e otro den e final di “Best out of Three” pues diaranson ta e ultimo wega pa un di nan sali di stadion cu e trofeo bou brasa.