Sicnarf Loopstok a participa cu e seleccion di baseball di Hulanda den e competencia di Super 6 baseball y sofball, unda nan a titula campeon di e torneo. Loopstok a gana e titulo di MVP di e competencia. E seleccion di Hulanda a haci nan esfuerso tur dia pa asina logra bay cu e titulo.
E rendimento di Loopstok tabata bon p’e team, unda el a mustra cu e por representa nan. E wega tabata uno hopi preta y esaki tabata e prome biaha cu el a participa den e campeonato aki. Loopstok a yuda e team di Hulanda clasifica tabata un logro grandi p’e. E logro di a bira e MVP di e campeonato tabata uno grandi pa Loopstok y e sacrificio no tabata facil.
Pa otro aña lo ta uno positivo y e lo sigui bay dilanti. E atmosfera cu e hungadonan di e seleccion di Hulanda pa Loopstok tabata bon, pasobra e conoce mayoria di e hungadonan y sa hunga contra nan. Awo ta e temporada di off season y Loopstok lo ta tumando un descanso pa asina cuminsa train pa otro aña.
Minister di Enseñansa Rudy Lampe a ricibi e Loopstok. E tabata orguyoso di a mira Loopstok a bira e MVP di campeonato, pasobra durante esaki el a destaca. “Esey ta un logro grandi y e ta un ehempel pa hopi hoben”, asina Minister Lampe a bisa. Loopstok tin talento y a haci hopi sacrificio pa yega leu. E ta un ehempel pa otro hobennan pasobra cu talento so no ta yega leu, pero mester train hopi, pasa den dolor, haci sacrificio pa por tin e logronan aki.
Esey ta pone cu Loopstok ta un rol model awo pa otro hobennan y tin hopi talento bou e hubentud, nan mester di estimulo. Esaki ta un estimulo p’e sigui bay dilanti pa tin mas logro den futuro, asina Minister Lampe a expresa. Gobierno kier p’e sinti cu e tin nan apoyo, di comunidad, di ta orguyoso di Loopstok y kier p’e sigui bay dilanti. Minister Lampe ta desea Loopstok tur clase di exito pa futuro.
