Ayera mainta algo despues di 10:00 am a sosode un candela grandi den Playa. Un cas inhabita a kima por completo. Ta trata aki e cas situa na Caya Ing. Roland Lacle # 9 (ex-Hospitaalstraat). E cas aki ta traha rond di aña 1920 pa e pareha Nicasio Helder y Maria Helder-Flemming, cu respectivamente a bay sosega na aña 1967 y 1965. Di e pareha a nace shete yiu, di cual tur a fayece. Un di nan tabata Emerita cu a casa cu Middendorp. Nan a haya dos set di morocho, cu awe tin 70 y 67 aña di edad.
Por lo menos dos di nan, Mario y Maria Middendorp, tabata presente ayera mainta na e cas durante e candela. Nan a para cu awa na wowo mira “nan” cas, cu nan a nace aden y crece aden, bay perdi asina ey. Originalmente, e cas tabatin tres camber. Ora un otro yiu muhe, di fam Constancia a drenta e cas, a dicidi di rek e cu dos camber extra, den un bijbouw di palo. Tanto e parti di palo y esun di piedra a kima ayera. Pero pa e relato completo, lesa e edicion di TREMPAN di awe.
