E atleta di ciclismo BMX Shanayah Howell a termina na di dos y tres luga den un competencia UCI International Championship HC & C1 di BMX na Colombia. E ta hopi contento cu su resultado.
E prome dia tabata di HC y aki e ta haya mas punto. Den e categoria aki el a logra haya sesenta punto, mientras cu e di dos dia tabata competencia di C1. Den esaki nan ta haya menos punto, pero el a logra haya cuarenticinco punto. Esey ta pone cu el a yega na un totalidad di 105 punto. Tabata dos dia di competencia, pero nan a haya tres dia den siman di train.
E prome dia el a termina na di tres luga, mientras e dia siguiente el termina na di dos luga. Semper e ta representa Aruba pa saca cara y tur biaha e ta conta cu apoyo di su famia, henter famia y su coach. Awo e ta plania pa bay Venezuela na april. Awo e ta den cualificacion pa olimpiada y tur cos ta bayendo bon. El a haya punto pa individual y e ta bon para, pero tin cu acumula mas punto.
Pa mas lesa TREMPAN.
