Na mas di un ocasion comunidad a yuda den buskeda y exitosamente reuni famianan cu nan mascota. Un biaha mas ta pidi yudansa y duna un man pa por logra haya e coneunan aki bek.
Famia na Tanki Leendert a haya sorpresa amargo, na momento cu a bay wak den haula y haya esaki kibra y bashi. Un persona lo a kibra y horta 5 coneu den e haula. Tin 1 coneu grandi shinishi, 4 coneu chikito (2 blanco y 2 bruin). A horta nan den area di Tanki Leendert dilanti Ruiz Take Away.
Si cualkier persona por a wak of tende di hende ta ofrese coneu, tuma contacto mesora na: 594-3585. Tin recompensa si logra recupera e mascotanan aki.
