Aña pasa Iberostar Aruba mustrando nan compromiso cu Aruba, a sponsor 6 studiante talentoso di Educacion Profesional Intermedio (EPI) di Aruba pa un pasantia na Iberostar Playa Paraíso Resort na Riviera Maya, Mexico.
Nos di 24ora tabatin e oportunidad di entrevista e studiantenan pa sa con nan trayectorio di pasantia a bay aña pasa. Den un video e studiantenan aki ta duna un relato di nan experencia na Mexico, Por saca di expresion haci door di cada un, cu loke nan a siña tabata hopi valioso. No ta bay solamente pa un servicio excelente na e huesped, pero cu e producto cu ta presenta den bista di e huesped tambe ta uno impecabel.
Cada studiante tabatin nan specialidad den cual nan a haya entrenamento. Pero e pensamento general ta cu un pasantia na e hotel aki di Iberostar na Mexico “ta un oportunidad grandi. E lo contribui na bo crecemento personal y profesional. Sigur un experiencia recomenda na tur studiante,” ta pensamento di diferente di e hobennan aki.
E trabou den team pa presenta un miho producto ta algo cu sigur cu por pone den practica na Aruba tambe.
